Xerson şəhərini işğal edən Rusiya qoşunları Krım yarımadasında su ötürən Şimali Krım kanalının bəndini açmağı bacarıb.

Ovqat.com-un məlumatına görə, Rusiya Müdafiə Nazirliyinin rəsmi nümayəndəsi, general-mayor İqor Konaşenkov TASS-a açıqlamasında bunu bildirib.

“Krım istiqamətində reyd dəstələrinin və hava-desant qoşunlarının birgə istifadəsi rus qoşunlarının Xerson şəhərinə çıxışını təmin edib”, - deyən Konaşenkov bildirib ki, bu əməliyyat Şimali Krım kanalının blokunu açmağa və Krım yarımadasının su təchizatını bərpa etməyə imkan verib.

Bildirilir ki, Krım rəhbərliyi nasos stansiyalarının və hidrotexniki qurğuların texniki hazırlığını əldə etdikdən sonra Şimali Krım kanalı ilə Krıma suyun verilməsinə başlanılacaq.


Qeyd edək ki, Rusiya 2014-cü ildə Krımı ilhaq etdikdən sonra Ukrayna yarımadaya su verilişini dayandırmışdı.