ABŞ dövlət katibi Antoni Blinken sentyabrın 6-da Kiyevə səfəri zamanı ölkəsinin Ukraynaya 1 milyard dollardan çox yeni yardım paketi ayıracağını açıqlayacaq.

“Report” bu barədə CNN-ə istinadən xəbər verir.

A.Blinken Ukrayna Prezidenti Volodimir Zelenski və xarici işlər naziri Dmitri Kuleba ilə görüşəcək.

Onun Ukraynaya səfəri iki gün davam edəcək. Səfər zamanı Ukrayna Silahlı Qüvvələrinin əks-hücum əməliyyatının gedişatının müzakirəsi, ölkənin enerji təhlükəsizliyinin yaxşılaşdırılması üzrə tədbirlərin qiymətləndirilməsi planlaşdırılır.